सुरक्षाफौजको अबैध सन्तान
शाही नेपाली सेना यौन मामलामा बदनाम छ । यसका हाकिम हुन या सिपाही चेलीहरुको सतित्व लुट्नमा गर्व गर्छन । यहां एउटा रमाइलो समाचार आएको छ, स्वतन्त्र समाचार सेवामा । पढौ शिवराज योगीले धनगढीबाट लेखेको त्यो समाचारः सुरक्षाफौजको जर्वजस्ती करणीबाट बाजुरा जिल्लामा १२ जना दलित महिलालेबच्चा जन्माएका छन् । सुरक्षाफौजकै करणीमा परेर तीन तीन पटक बच्चा जन्माउन पुगेकी एक दलित महिलाको मृत्यु भएको छ । नेपाल राष्ट्रिय दलित समाज कल्याण संघ कैलालीका अनुसार सेनाको जर्वजस्ती करणीवाट बाजुराको मार्तडी गाविस ८ मा रहेका दलित समुदायका १२ जना युवतीले बच्चा जन्माएका हुन् । सुरक्षाफौंजको जर्वजस्ती करणीबाट ती बच्चाहरु जन्मिएको स्थानीय वासिन्दालाई उदृत गर्दै संस्थाका निर्देशक हरी श्रीपाइलीले वताउनुभयेा । "सुरक्षाफौज उक्त दलित वस्ति नजिकै रहेकेा छ । सुरक्षाफौज सांझ पर्यो की निस्कन्छ । गाउँमा ५ नवज्दै कर्फ्र्यु लाग्छ । दिसापिसाव गर्न निस्कने महिला शिकार वन्छन् ।" श्रीपाइलीको भनाई छ । सुरक्षा फौजकै करणीबाट तीन पटक वच्चा जन्माउन पुगेकी स्थानीय लाली चदाराले रक्त स्रावका कारण एक महिना अघि ज्यान गुमाउनु परेको उक्त संस्थाद्वारा जारी विज्ञप्तिमा उल्लेख छ । सोही नियतीबाट मार्तडीकै दुरा लुहारले एक वर्षअघि ज्यान गुमाउनु परेको निर्देशक श्रीपाइली वताउनुहुन्छ । सुरक्षा फौजका स्थानीय अधिकारीसंग सो विषयमा कुरा गर्दा ‘त्यस्तो नगर, साधन प्रयोग गर भन्दा पनि मान्दैनन" भन्ने जवाफ आएको निर्देशक श्रीपाइलीले बताउनुभयो ।
